Ang kapistahan sa Inahan sa Kanunayng Panabang diri sa Socorro, Surigao del Norte nahimong malampuson human sa ika-siyam ka adlaw sa novena ug sa katumanan niini niadtong Hunyo 10 hangtud sa 19. Hilabi ang pasalamat gikan sa atong mga kaparian diri sa Socorro nga gipangulohan ni Reberendo Padre Leo Mario F. Singco, OSA, Kura Paroko, ug ni Reberendo Padre Exuper, OSA, Parochial Vicar, nga maoy nagdumala sa parokya.
Dako usab ang kanunyang pasalamat ngadto sa amahan sa dyosesis sa Surigao, mao si Obispo Antonieto Cabajog, DD nga maoy nangulo sa adlaw sa kapistahan pinaagi sa balaang misa nga gisugdan sa alas-9 sa buntag. Kuyog sa iyang mga sakop sa Cathedral ug mga kaparian sa Dyosesis, sila nitabok sa isla aron makaalagad sa mga katolikong lumplupyo sa Socorro. Sulod usab sa misa didto gipatigayon ang Sakaramento sa Kumpil nga nadawat sa mga 50 kapin ka mga kabatan-onan aron sa pagling-on sa ilang pagtoo diha sa atong Ginoo nga si Jesukristo.
Sa mga ninglabay nga mga adlaw, nagkadaiyang mga kalihokan ang gisaulog alang sa kapistahan sa patron sa isla sa Socorro. Kini mao ang Solemn Foot Procession sa bisperas, bunyag, fluvial procession sa kadagatan sa Socorro ug Parish Night sa pagkagabii sa katumanan. Dili usab hikalimtan ang pagpakig-uban sa katolikong kristiyano sa tibuok isla nga gipangulohan sa munisipyo sa Socorro ug uban sa mga naglaing-laing relihiyon, hilabi na ang IFI ug PECC niadtong Hunyo 17. Naghugpong ang mga nakada-iyang
sektor sa lungsod alang sa usa ka tumong nga gigiyahan sa usa ka tema: "Birhen Maria: Sumbanan sa Katawhang nagsa-ulog, naghanduraw ug nag-amping sa kinaiyahan isip gasa sa kahitas-an."
Kining tanan nahimong malampuson pinaagi usab sa pagpasalamat ngadto sa mga sakop sa Parish Pastoral Council ug sa Parish Financial Council nga maoy nagpaluyo sa mga kalihokan.
Sa mga ninglabay nga mga adlaw, nagkadaiyang mga kalihokan ang gisaulog alang sa kapistahan sa patron sa isla sa Socorro. Kini mao ang Solemn Foot Procession sa bisperas, bunyag, fluvial procession sa kadagatan sa Socorro ug Parish Night sa pagkagabii sa katumanan. Dili usab hikalimtan ang pagpakig-uban sa katolikong kristiyano sa tibuok isla nga gipangulohan sa munisipyo sa Socorro ug uban sa mga naglaing-laing relihiyon, hilabi na ang IFI ug PECC niadtong Hunyo 17. Naghugpong ang mga nakada-iyang
sektor sa lungsod alang sa usa ka tumong nga gigiyahan sa usa ka tema: "Birhen Maria: Sumbanan sa Katawhang nagsa-ulog, naghanduraw ug nag-amping sa kinaiyahan isip gasa sa kahitas-an."
Kining tanan nahimong malampuson pinaagi usab sa pagpasalamat ngadto sa mga sakop sa Parish Pastoral Council ug sa Parish Financial Council nga maoy nagpaluyo sa mga kalihokan.